കൊച്ചി: ഏകദിന ലോകകപ്പ് ഫൈനല്‍ ആവേശം കൊച്ചി മെട്രോയിലും. ക്രിക്കറ്റ് ആരാധകര്‍ക്ക് ലോകകപ്പ് മത്സരം കാണാന്‍ മെട്രോ സ്‌റ്റേഷനുകളിലും സൗകര്യം ഒരുക്കുമെന്നാണ് കെഎംആര്‍എല്‍ അറിയിച്ചിരിക്കുന്നത്. കൊച്ചി മെട്രോയുടെ തെരഞ്ഞെടുത്ത സ്റ്റേഷനുകളില് മാത്രമായിരിക്കും ഈ സൗകര്യം ലഭ്യമാക്കുക. മെട്രോയുടെ ആലുവ, ഇടപ്പള്ളി, വൈറ്റില സ്റ്റേഷനുകളില് വച്ചിരിക്കുന്ന വലിയ സ്‌ക്രീനുകളിലാണ് മത്സരം തത്സമയം കാണാനാകുക.
കൊച്ചി മെട്രോയുടെ ഫെയ്‌സ്ബുക്ക് കുറിപ്പ്
ക്രിക്കറ്റ് പ്രേമികള്‍ക്ക് ഏകദിന ലോകകപ്പ് ഫൈനല്‍ മത്സരം ലൈവായി കാണാന്‍ അവസരമൊരുക്കി കെഎംആര്‍എല്‍. കൊച്ചി മെട്രോയുടെ ആലുവ, ഇടപ്പള്ളി, വൈറ്റില സ്റ്റേഷനുകളില് വച്ചിരിക്കുന്ന വലിയ സ്‌ക്രീനുകളില്‍ മത്സരം തത്സമയം കാണാനാകും.
കളിയുടെ എല്ലാ ആവേശവും യാത്രക്കാരിലേക്ക് എത്തിക്കാനുതകുന്ന തരത്തിലുള്ള സജ്ജീകരണങ്ങള്‍ ഈ സ്റ്റേഷനുകളില് ഒരുക്കിയിട്ടുണ്ട്. എല്ലാ ക്രിക്കറ്റ് ആരാധകരെയും കൊച്ചി മെട്രോയ്‌ക്കൊപ്പം മത്സരം കാണുന്നതിനായി സ്വാഗതം ചെയ്യുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ