പാരിസ്: പാരീസിലെ ബാറിലുണ്ടായ വെടിവയ്പ്പിൽ ഒരാൾ കൊല്ലപ്പെട്ടു. 4 പേർക്ക് പരിക്കേറ്റതായാണ് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്. രണ്ട് പേരാണ് വെടിയുതിർത്തത്. ഇതിൽ ഒരാളെ പൊലീസ് പിടികൂടി.
തിങ്കളാഴ്ച രാത്രി പാരിസിലെ 11ആം അറോണ്ടിസ്‌മെന്റിലാണ് സംഭവം. ടെറസിൽ ഇരുന്നവർക്ക് നേരെയാണ് നിറയൊഴിച്ചത്. വാഹനത്തിൽ ആണ് ആക്രമികൾ എത്തിയത്. വെടിയേറ്റ ഒരാൾ സംഭവസ്ഥലത്ത് വെച്ച് തന്നെ മരിക്കുകയായിരുന്നു. മറ്റ് നാല് പേരെ സമീപത്തെ ആശുപത്രിയിലേക്ക് മാറ്റി. ഇവരുടെ നില ഗുരുതരമാണ്.
മരിച്ചയാളുടേയും വെടിയേറ്റവരുടേയും ആക്രമികളുടേയും വിവരങ്ങൾ പുറത്തുവിട്ടിട്ടില്ല. വെടിയുതിർത്ത രണ്ടംഗ സംഘത്തിലെ ഒരാൾ ഒളിവിലാണ്.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ