നടൻ ഇന്ദ്രജിത്തിന്റെ പിറന്നാളായിരുന്നു കഴിഞ്ഞദിവസം. പൂർണിമയും പൃഥ്വിരാജും ഉൾപ്പടെ നിരവധി പേരാണ് താരത്തിന് പിറന്നാൾ ആശംസകൾ കുറിച്ചത്. കുറച്ചുദിവസങ്ങളായി തുർക്കിയിൽ അവധി ആഘോഷത്തിലാണ് പൂർണിമയും ഇന്ദ്രജിത്തും. പൂർണിമയുടെ പിറന്നാളും വിവാഹവാർഷികവുമെല്ലാം ഇവർ തുർക്കിയിലാണ് ആഘോഷിച്ചത്. ഇപ്പോൾ പിറന്നാൾ ദിനത്തിൽ ഇന്ദ്രജിത്തിന് പൂർണിമ നൽകി സർപ്രൈസാണ് ആരാധകരുടെ മനം കവരുന്നത്.
ഇസ്താബുളിലെ ഹോട്ടലിൽ വച്ചാണ് താരം സർപ്രൈസ് ഒരുക്കിയത്. ഇരുവരും ചേർന്ന് ഭക്ഷണം കഴിക്കുന്നതിനിടെ പിറന്നാൾ കേക്കുമായി ഹോട്ടൽ ജീവനക്കാർ ഇന്ദ്രജിത്തിനരികിലേക്ക് എത്തുകയായിരുന്നു. പൂർണിമയുടെ സർപ്രൈസിൽ ഇന്ദ്രജിത്തിന്റെ കണ്ണ് നിറയുന്നതും വിഡിയോയിൽ കാണാം. പൂർണിമ തന്നെയാണ് ഈ മനോഹരനിമിഷങ്ങളുടെ വിഡിയോ സമൂഹമാധ്യമങ്ങളിൽ പങ്കുവച്ചത്.
ഇസ്താംബുളിൽ നിന്നുള്ള ചിത്രങ്ങൾ പങ്കുവച്ചുകൊണ്ടായിരുന്നു പൂർണിമ ആശംസ കുറിച്ചത്. അസ്താംബുളിൽ നിന്നുള്ള നിരവധി ചിത്രങ്ങളാണ് ഇരുവരും സോഷ്യൽ മീഡിയയിൽ പങ്കുവച്ചിരിക്കുന്നത്. തുർക്കിയിലെ കാർപ്പറ്റാണ് പൂർണിമയുടെ മനം കവർന്നത്. കൂടാതെ തുർക്കി വിഭവങ്ങളും ആസ്വദിക്കുകയാണ് ദമ്പതികൾ.
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ