കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ നിറയുന്നത് സംവിധായകൻ കരൺ ജോഹറിന്റെ പിറന്നാൾ പാർട്ടിയിൽ എത്തിയ താരങ്ങളുടെ ചിത്രങ്ങളും വിഡിയോയുമാണ്. ബോളിവുഡിലെ എല്ലാ പ്രമുഖ താരങ്ങളും പാർട്ടിയിൽ പങ്കെടുത്തിരുന്നു. അതിനൊപ്പം തന്നെ നിരവധി താരങ്ങൾ രൂക്ഷമായ സൈബർ ആക്രമണത്തിനു ഇരയായി. ഇപ്പോൾ തനിക്കു നേരെ ഉയർന്ന പരിഹാസത്തിന് മറുപടിയുമായി എത്തിയിരിക്കുകയാണ് നടി അമൃത അറോറ. 

അടുത്ത സുഹൃത്തുക്കളായ കരീന കപൂറിനും മലൈക അറോറയ്ക്കുമൊപ്പമുള്ള അമൃതയുടെ ചിത്രങ്ങൾ സോഷ്യൽ മീഡിയയിൽ വൈറലായിരുന്നു. ചെക്ക് പാറ്റേൺ ഷിമ്മറി ബ്ലേസർ ഡ്രസ്സും ഹൈ ബൂട്ടും ധരിച്ചാണ് അമൃത പാർട്ടിക്ക് എത്തിയിരുന്നത്. രൂക്ഷമായ പരിഹാസമാണ് താരത്തിന് നേരെ ഉയർന്നത്. വയസിയായെന്നും തടികൂടിയെന്നും പറഞ്ഞ് ഒരു കൂട്ടം അമൃതയെ സൈബർ സ്പേയ്സിലൂടെ ആക്രമിക്കുകയായിരുന്നു. 

ഭാരം കൂടിയതിനെ പരിഹസിച്ചവർക്കും താരം മറുപടി നൽകി. ‘‘എന്റെ ഭാരക്കൂടുതലുമായി ബന്ധപ്പെട്ടും ഒരുപാട് വിദ്വേഷ കമന്റുകൾ ലഭിച്ചു. ഇതാണു ഞാൻ. എനിക്ക് ഇങ്ങനെ ഇരിക്കാൻ ഇഷ്ടമാണ്. എന്റെ ഭാരം എന്റെ പ്രശ്നമാണ്. എന്നു മുതലാണ് അത് മറ്റുള്ളരുടെ പ്രശ്നമായതെന്നും അമൃത ചോദിച്ചു. അമൃതയ്ക്ക് പിന്തുണയുമായി മലൈക അറോറയും രം​ഗത്തെത്തി. നീ എങ്ങനെയാണോ അങ്ങനെത്തന്നെ സുന്ദരിയാണ്. ശരീരഘടനയുടെ പേരിൽ ഒരാളെ പരിഹസിക്കുന്നത് വളരെ മോശമാണ് എന്നാണ് മലൈക പറഞ്ഞത്. 

ഈ വാർത്ത കൂടി വായിക്കാം

സൂര്യ- ബാല ചിത്രം പാതിവഴിയിൽ അവസാനിപ്പിച്ചെന്ന് അഭ്യൂഹം, മറുപടിയുമായി താരം​

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ