ഗായകനും നടനുമായി നിക്ക് ജൊനാസ് ഇന്ത്യക്കാര്‍ക്ക് പരിചിതനാവുന്നത് താരസുന്ദരി പ്രിയങ്ക ചോപ്രയുടെ ഭര്‍ത്താവ് എന്ന നിലയിലാണ്. നിക്കും സഹോദരന്മാരും ഒന്നിച്ചുള്ള ജൊനാസ് ബ്രദേഴ്‌സിന്റെ സംഗീത പരിപാടികള്‍ കാണാനായി ആയിരങ്ങളാണ് എത്താറുള്ളത്. ഒരു സംഗീത പരിപാടിക്കിടൈ നിക്കിന് നേരിട്ട ദുരനുഭവമാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധനേടുന്നത്.
നിക്ക് ഗാനം ആലപിക്കുന്നതിനിടെ കാണികളില്‍ ഒരാള്‍ അടിവസ്ത്രം താരത്തിന് നേരെ എറിയുകയായിരുന്നു. ശനിയാഴ്ച ന്യൂയോര്‍ക്കിലെ യാന്‍കീ സ്‌റ്റേഡിയത്തില്‍ നടന്ന പരിപാടിക്കിടെയായിരുന്നു സംഭവം. ഇതിന്റെ വിഡിയോ സോഷ്യല്‍ മീഡിയയില്‍ വൈറലാവുകയാണ്.
കാണികളുടെ അടുത്തായി വന്നുനിന്ന് പാട്ടുപാടുകയായിരുന്നു നിക്ക്. അതിനിടെ കറുത്ത നിറത്തിലുള്ള ബ്രാ താരത്തിന് നേരെ ആരോ എറിയുകയായിരുന്നു. നിക്കിന്റെ അടുത്തായിട്ടാണ് അടിവസ്ത്രം വന്നുവീണത്. ഇത് കണ്ട് അമ്പരന്ന താരം പാട്ട് നിര്‍ത്തി അടിവസ്ത്രം വീണിടത്തേക്ക് നോക്കുന്നതും വിഡിയോയില്‍ കാണാം. തുടര്‍ന്ന് പാട്ട് തുടര്‍ന്ന താരം നടന്നുപോവുന്നതാണ് വിഡിയോയിലുള്ളത്.
ആരാധകയുടെ മോശം പെരുമാറ്റത്തെ വിമര്‍ശിച്ചുകൊണ്ട് നിരവധി പേരാണ് രംഗത്തെത്തുന്നത്. കലാകാരന്മാരെ ഇങ്ങനെ അപമാനിക്കരുതെന്നും അവരുടെ നേരെ വസ്തുക്കള്‍ എറിയാന്‍ പാടില്ലെന്നുമാണ് ആരാധകര്‍ കുറിക്കുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ