ന്യൂഡല്‍ഹി: കേന്ദ്ര മന്ത്രിസഭാ യോഗം സംബന്ധിച്ച വാര്‍ത്തയില്‍ പ്രധാനമന്ത്രിയുടെ പേര് നരേന്ദ്ര ബക്‌ചോദ് മോദി എന്ന് എഴുതിയ റിപ്പോര്‍ട്ടറെ ജോലിയില്‍ നിന്നും പുറത്താക്കി വാര്‍ത്താ ഏജന്‍സി. പ്രധാനമന്ത്രിയുടെ പേരിനൊപ്പം അസ്ലീലപദം വന്നതിന് പിന്നാലെ പ്രതിഷേധം ഉയര്‍ന്നതോട ഐഎഎന്‍എസാണ്‌ തങ്ങളുടെ റിപ്പോര്‍ട്ടറെ പുറത്താക്കിയത്.
മോദിയുടെ പേരിനൊപ്പം അശ്ലീല പദം വന്നത് സമൂഹമാധ്യമങ്ങളില്‍ വൈറലായിരുന്നു. ഇതിന്റെ സ്‌ക്രീന്‍ഷോട്ട് അടക്കം വ്യാപകമായി പ്രചരിക്കപ്പെട്ടു. ഇതിനെതിരെ പ്രതിഷേധം ശക്തമായതോടെ റിപ്പോര്‍
ട്ടറെ പുറത്താക്കുകയായിരുന്നു.
ഈ റിപ്പോര്‍ട്ടര്‍ക്കെതിരെ അന്വേഷണം നടത്തുകയാണ് എന്നും ഗുരുതര തെറ്റില്‍ സ്ഥാപനം നിരുപാതികം മാപ്പ് പറയുകയാണെന്നും ഐഎഎന്‍എസ് മാനേജിങ് എഡിറ്റര്‍ ഹാര്‍ദേവ് സനോത്ര പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ