ന്യൂഡല്‍ഹി: കോവിഡിന്റെ പശ്ചാത്തലത്തില്‍ നികുതിദായകര്‍ക്ക് വീണ്ടും ഇളവ് പ്രഖ്യാപിച്ച് കേന്ദ്രസര്‍ക്കാര്‍. നികുതി ഇളവിന് നടത്തുന്ന നിക്ഷേപങ്ങളുടെ സമയപരിധി കേന്ദ്രസര്‍ക്കാര്‍ നീട്ടി.

2019-2020 സാമ്പത്തിക വര്‍ഷത്തെ അടിസ്ഥാനമാക്കിയാണ് ഇളവ് അനുവദിച്ചിരിക്കുന്നത്. ഈ സാമ്പത്തിക വര്‍ഷത്തില്‍ നികുതി ഇളവ് ലഭിക്കാന്‍ നടത്തുന്ന നിക്ഷേപങ്ങളുടെ സമയപരിധി ജൂലൈ 31 വരെയാണ് നീട്ടിയത്. ഈ സമയപരിധിക്കകം നികുതി ഇളവ് ലഭിക്കാന്‍ നടത്തുന്ന നിക്ഷേപങ്ങള്‍ പരിഗണിക്കും. 2019-2020 വര്‍ഷത്തെ നികുതി റിട്ടേണ്‍ ഫയല്‍ ചെയ്യുമ്പോള്‍ ജൂലൈ വരെ നടത്തുന്ന നിക്ഷേപങ്ങള്‍ പരിഗണിക്കാനാണ് കേന്ദ്രസര്‍ക്കാര്‍ അനുമതി നല്‍കിയത്.

കഴിഞ്ഞ ദിവസം 2018- 19 വര്‍ഷത്തെ ആദായ നികുതി റിട്ടേണ്‍ സമര്‍പ്പിക്കാനുള്ള സമയപരിധി ജൂലൈ 31 വരെ നീട്ടിയിരുന്നു. ലോക്ക്ഡൗണ്‍ പ്രഖ്യാപിച്ചതോടെ ആദായനികുതി റിട്ടേണ്‍ ഫയല്‍  ചെയ്യാനുള്ള അവസാന തിയ്യതി ജൂണ്‍ 30 ആക്കിയിരുന്നു. അതാണ് വീണ്ടും നീട്ടിയത്. ആധാറും പാനും തമ്മില്‍ ബന്ധിപ്പിക്കാനും കൂടുതല്‍ സമയം അനുവദിച്ചു. മാര്‍ച്ച് 31 വരെയാണ് നീട്ടിയത്.