പാരിസ്: അര്‍ജന്റീന താരം ഗോണ്‍സാലോ ഹിഗ്വയ്ന് ഇരട്ട ഗോളുകള്‍ നേടിയ ചാംപ്യന്‍സ് ലീഗ് രണ്ടാം സെമി ഫൈനലില്‍ മൊണോക്കൊയ്‌ക്കെതിരേ യുവന്റസിന് ജയം. മൊണോക്കോയുടെ മൈതാനമായ സ്റ്റാഡ് ലൂയി ടുവില്‍ യുവന്റസ് പ്രതിരോധം മാത്രമല്ല ആക്രമണ ഫുട്‌ബോളും തങ്ങള്‍ക്ക് വഴങ്ങുമെന്ന് തെളിയിച്ചു.
29, 59 മിനുട്ടുകളിലാണ് ഹിഗ്വയ്ന് ഫ്രഞ്ച് ക്ലബ്ബ് മൊണോക്കോയുടെ വല കുലുക്കിയത്. രണ്ട് ഗോളുകള്‍ക്കും വഴിയൊരുക്കിയത് ബ്രസീല്‍ താരം ഡാനി ആല്‍വസാണ്. ഈ മാസം പത്തിന് യുവന്റസ് ഹോം ഗ്രൗണ്ടില്‍ വച്ചാണ് രണ്ടാം പാദം. യുവന്റസിന്റെ മടയില്‍ ചെന്ന് അവരെ തോല്‍പ്പിക്കുക മൊണോക്കോയെ സംബന്ധിച്ച് പ്രയാസമാകും. ലോകത്തിലെ ഏറ്റവും മികച്ച പ്രതിരോധ താരങ്ങളാണ് യുവന്റസിന്റെ ബലം. മാത്രമല്ല ജിയാല്യൂഗി ബഫണ്‍ വല കാക്കുമ്പോള്‍ യുവന്റസിനെ സംബന്ധിച്ച് ഫൈനല്‍ ഏകദേശം ഉറപ്പിക്കാം. ഇതോടൊപ്പം രണ്ട് എവേ ഗോളിന്റെ ആനുകൂല്യവും യുവന്റസിനുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ