വാചകം പൂര്‍ത്തിയാക്കുവാന്‍ പറഞ്ഞായിരുന്നു ആ ട്വീറ്റ്. എന്താണ് കോഹ് ലി എന്നായിരുന്നു ചോദ്യം. അതിന് മറുപടിയായി ഇന്ത്യന്‍ നായകനെ പരിഹസിച്ച് ട്വീറ്റ് ചെയ്ത് ആരാധകരുടെ പൊങ്കാല ഏറ്റുവാങ്ങുകയാണ് ഇംഗ്ലണ്ട് താരം ബെന്‍ ഡക്കറ്റ്. 

വിരാട് കോഹ് ലി ഒരു തമാശയാണ് എന്നായിരുന്നു ബെന്‍ ട്വീറ്റ് ചെയ്തത്. കരിയറിലെ 41ാം സെഞ്ചുറിയിലേക്ക് കോഹ് ലി എത്തിയപ്പോഴായിരുന്നു ബെന്നിന്റെ ട്വീറ്റ്. 2018ല്‍ 100ന് അടുത്ത് ബാറ്റിങ് ശരാശരിയുള്ള താരത്തെ ട്രോളി ആരാധകരുടെ രോക്ഷം ഏറ്റുവാങ്ങുകയാണ് ബെന്‍. 

ക്രിക്കറ്റ് ഫാന്‍ പേജായ ക്രിക്കറ്റ് ഷൗട്ടാണ് ട്വിറ്ററില്‍ ചോദ്യവുമായി എത്തിയത്. പേരില്‍ ഡക്കുള്ള താരമാണ്, 66 സെഞ്ചുറികള്‍ നേടിയ ഒരു താരത്തെ കളിയാക്കുന്നത് എന്ന് പറഞ്ഞാണ് ആരാധകരുടെ പരിഹാസം.