ധാക്ക: ബംഗ്ലാദേശ് പ്രീമിയര്‍ ലീഗില്‍ വിചിത്രമായ രീതിയില്‍ റണ്ഔട്ട് ആയി വെസ്റ്റ് ഇന്‍ഡീസ് താരം ആന്ദ്രെ റസല്‍. ബിപിഎല്ലിലെ ഖുല്‍ന ടൈഗേഴ്‌സും ധാക്ക മിനിസ്റ്ററും തമ്മിലുള്ള മത്സരത്തിലാണ് സംഭവം.
ഇന്നിങ്‌സ് 15ാം ഓവറില്‍ നില്‍ക്കുമ്പോള്‍ തിസാര പെരേരയുടെ ഡെലിവറി തേര്‍ഡ് മാനിലേക്ക് തട്ടിയിട്ട് റസല്‍ സിംഗിള്‍ എടുക്കാന്‍ ശ്രമിച്ചു. റണ്ഔട്ട് ആവാനുള്ള സാധ്യത ഇവിടെ കൂടുതല്‍ മഹ്മദുല്ലക്കായിരുന്നു. മഹ്മദുള്ളയുടെ എന്‍ഡിലേക്ക് തിരിഞ്ഞു നോക്കിയാണ് റസല്‍ ഓടിയത്.
ഇവിടെ ഫീല്‍ഡര്‍ പന്ത് മഹ്മദുല്ലയുടെ എന്‍ഡിലേക്ക് എറിഞ്ഞു. പന്ത് സ്റ്റംപില്‍ കൊണ്ടെങ്കിലും മഹ്മദുല്ല അപ്പോഴേക്കും ക്രീസിലേക്ക് കയറി. ഇവിടെ സ്റ്റംപില്‍ കൊണ്ട പന്ത് നേരെ വന്ന വീണത് നോണ്‍ സ്‌ട്രൈക്കേഴ്‌സ് എന്‍ഡിലെ സ്റ്റംപിലേക്ക്. പന്ത് ഇവിടെക്ക് വരുമെന്ന് പ്രതീക്ഷിച്ചിട്ടില്ലായിരുന്ന റസല്‍ ക്രീസ് ലൈന്‍ തൊടും മുന്‍പ് പന്ത് സ്റ്റംപ് ഇളക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ