ഓസ്‌ട്രേലിയക്കെതിരായ മൂന്നാം ടെസ്റ്റില്‍ പരാജയപ്പെട്ടതിന് പിന്നാലെ മത്സരത്തില്‍ ക്യാച്ച് നഷ്ടപ്പെടുത്തിയ പാക് പേസര്‍ ഹസന്‍ അലിയെ കളിയാക്കിയ ആരാധകന് അതേനാണയത്തില്‍ മറുപടി നല്‍കി താരം. മത്സരശേഷം ആരാധകര്‍ക്ക് ഓട്ടോഗ്രാഫ് നല്‍കുന്നതിനിടെയായിരുന്നു സംഭവം. മൂന്നാം ടെസ്റ്റില്‍ പാകിസ്ഥന്‍ ഓസ്‌ട്രേലിയയോട് എട്ടുവിക്കറ്റിന് പരാജയപ്പെട്ടിരുന്നു.
'വരൂ, എങ്ങനെ ക്യാച്ചെടുക്കാമെന്ന് ഞാന്‍ നിങ്ങളെ പഠിപ്പിക്കാമെന്നായിരുന്നു ആരാധകന്റെ കളിയാക്കാല്‍. തീര്‍ച്ചയായും വരൂ, ആരാണ് എന്നെ ക്യാച്ചെടുക്കാന്‍ പഠിപ്പാക്കാനുള്ളതെന്നായിരുന്നു'- ഹസന്റെ മറുപടി.
മൂന്നാം ടെസ്റ്റില്‍ വാര്‍ണറുടെയും ലബുഷെയ്‌ന്റെയും മികച്ച ബാറ്റിങ്ങും ഓസിസ് വിജയത്തില്‍ നിര്‍ണായക പങ്കുവഹിച്ചു. ജോഷ് ഹെയ്‌സല്‍വുഡ് നാല് വിക്കറ്റുകള്‍ നേടി
മൂന്ന് മത്സരങ്ങളുള്ള പരമ്പരയില്‍ ഏകപക്ഷീയമായിട്ടായിരന്നു ഓസ്‌ട്രേലിയയുടെ വിജയം. 1995ന് ശേഷം ഓസട്രേലിയന്‍ മണ്ണില്‍ ആദ്യജയം നേടാനാകുമെന്ന് പ്രതീക്ഷിച്ചെങ്കിലും അതുണ്ടായില്ല. പരമ്പര നേട്ടത്തോടെ ഐസിസി ലോക ടെസ്റ്റ് ചാമ്പ്യന്‍ഷിപ്പില്‍ പോയിന്റ് പട്ടികയില്‍ ഇന്ത്യയെ മറികടക്കാനും ഓസ്‌ട്രേലിയ്ക്ക് കഴിഞ്ഞു. പാറ്റ് കമ്മിന്‍സിന്റെ നേതൃത്വത്തില്‍ വന്‍ മുന്നേറ്റമാണ് ഓസിസ് നടത്തിയത്. 2023 ലോക ടെസ്റ്റ് ചാമ്പ്യന്‍ഷിപ്പും ഏകദിനലോകകപ്പും അവര്‍ സ്വന്തമാക്കിയിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ