തിരുവനന്തപുരം: മദ്യപാനത്തിന്റെ കാര്യത്തില്‍ മുന്‍വര്‍ഷങ്ങളിലെ റെക്കോര്‍ഡുകള്‍ ഭേദിക്കുകയെന്ന മലയാളിയുടെ ശീലത്തിന് ഇത്തവണത്തെ ഓണക്കാലത്തും മാറ്റമുണ്ടായില്ല.  കഴിഞ്ഞ എട്ടുദിവസം കൊണ്ട് കേരളത്തിലെ മദ്യപാനികള്‍ കുടിച്ചുതീര്‍ത്തത് 487 കോടിയുടെ മദ്യം. 

ബിവറേജസ് കോര്‍പറേഷന്‍ (ബെവ്‌കോ) പുറത്തുവിട്ട കണക്കുകള്‍ പ്രകാരം ഓണത്തിന്റെ തലേദിവസമായ ഉത്രാട നാളില്‍ മാത്രം വിറ്റത് 90.32 കോടിയുടെ മദ്യമാണ്. കഴിഞ്ഞവര്‍ഷം ഉത്രാടദിവസം വിറ്റതിനേക്കാള്‍ കോടിക്കണക്കിന് രൂപയുടെ അധികമദ്യമാണ് മലയാളികള്‍ കുടിച്ച് തീര്‍ത്തത്.

കഴിഞ്ഞവര്‍ഷം 457 കോടി  രൂപയുടെ മദ്യമാണ് ഓണക്കാലത്ത് മലയാളികള്‍ കുടിച്ചതെങ്കില്‍ അത് ഇത്തവണ 487 കോടിയായി ഉയര്‍ന്നു. 30 കോടിയുടെ വര്‍ധനവാണ് എട്ടുദിവസം കൊണ്ട് മാത്രം ബെവ്‌കോയ്ക്ക് ലഭിച്ചത്‌