കാസര്‍കോട് : കാസര്‍കോട് തെളിവെടുപ്പിനിടെ പ്രതി കടലില്‍ ചാടി രക്ഷപ്പെട്ടു. പോക്‌സോ കേസ് പ്രതിയാണ് കസബ കടപ്പുറത്തുവെച്ച് കടലില്‍ ചാടി രക്ഷപ്പെട്ടത്. ഇയാള്‍ക്കായി തെരച്ചില്‍ തുടരുകയാണ്.
കാസര്‍കോട് ടൗണ്‍ പൊലീസ് കസ്റ്റഡിയിലെടുത്ത കുഡ്‌ലു സ്വദേശി മഹേഷാണ് തെളിവെടുപ്പിനിടെ കടലില്‍ ചാടിയത്. രാവിലെ 8.30 ഓടെയാണ് ഇയാളെ തെളിവെടുപ്പിന്റെ ഭാഗമായി കടപ്പുറത്ത് കൊണ്ടുവന്നത്.
ടൗണ്‍ പൊലീസ് സ്റ്റേഷനില്‍ രജിസ്റ്റര്‍ ചെയ്ത പോക്‌സോ കേസുമായി ബന്ധപ്പെട്ട് ഇന്നലെ രാത്രിയോടെയാണ് മഹേഷിനെ പൊലീസ് കസ്റ്റഡിയിലെടുത്തത്. പുലിമുട്ടിന് സമീപം വെച്ച് കൈവിലങ്ങ് സഹിതമാണ് ഇയാള്‍ കടലില്‍ ചാടിയത്. ഇയാളെ കണ്ടെത്താനായി പൊലീസും ഫയര്‍ഫോഴ്‌സും മല്‍സ്യ തൊഴിലാളികളും അടക്കം കടലില്‍ തിരച്ചില്‍ തുടരുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ