മലപ്പുറം; അപ്രതീക്ഷിതമായാണ് പുള്ളിമാൻ കടയിലേക്ക് പാഞ്ഞു കയറിയത്. ശരവേഗത്തിൽ ഓടി വന്നു കയറിയതാകട്ടെ ചില്ലു വാതിലിലേക്കും. ഗ്ലാസ് പൂർണമായും തകർത്ത് വന്ന വഴി തന്നെ തിരിച്ചോടി. കഴിഞ്ഞ ദിവസം അരീക്കോട് കിഴുപറമ്പ് പത്തനാപുരം പള്ളിയോട് ചേര്‍ന്നുള്ള കടയിലേക്കാണ് അഭയം തേടി പുള്ളിമാനെത്തിയത്.
ശത്രുകളില്‍ നിന്നും രക്ഷതേടിയാണ് പുള്ളിമാൻ കടയുടെ ഉള്ളിൽ കയറിയത്. ചെറുപുഴ വഴി വന്ന മാനിനെ മറ്റേതോ ജീവികള്‍ ഓടിച്ച് കടയില്‍ അഭയം തേടിയതാകാമെന്ന് കരുതുന്നു. ഗ്ലാസ് കാണാതെ അകത്ത് കയറിയ മാന്‍ കടയുടെ ഗ്ലാസിനോട് നിര്‍മിച്ച വാതില്‍ പൂര്‍ണമായും തകര്‍ത്തു. റോഡില്‍ വന്‍ തിരക്കുള്ള സമയമായിരുന്നു. പാഞ്ഞടുത്ത മാന്‍ അതേ വേഗതയില്‍ ചെറുപുഴ ഭാഗത്തേക്ക് തന്നെ തിരിച്ചോടി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ