ന്യൂഡല്ഹി: വിചാരണ പൂര്ത്തിയായെങ്കില് പിഡിപി ചെയര്മാന് അബ്ദുള് നാസര് മദനിയെ കേരളത്തിലേക്ക് പോകാന് അനുവദിച്ചു കൂടേയെന്ന് സുപ്രീംകോടതി. ജാമ്യവ്യവസ്ഥയില് ഇളവു തേടി മദനി സമര്പ്പിച്ച ഹര്ജി പരിഗണിക്കുമ്പോഴായിരുന്നു കോടതിയുടെ ചോദ്യം. ബംഗലൂരു സ്ഫോടനക്കേസ് വിചാരണയില് അന്തിമ വാദം മാത്രമാണുള്ളത്. ഈ സാഹചര്യത്തില് മദനി ബംഗലൂരുവില് തുടരേണ്ടതുണ്ടോയെന്നും കോടതി ചോദിച്ചു.
ജസ്റ്റിസ് അജയ് റസ്തോഗി അധ്യക്ഷനായ ബെഞ്ചാണ് ഹര്ജി പരിഗണിച്ചത്.
നാളിതുവരെ മദനി ജാമ്യ വ്യവസ്ഥകളൊന്നും ലംഘിച്ചിട്ടില്ലല്ലോയെന്നും കോടതി ചൂണ്ടിക്കാട്ടി. മറുപടി നല്കാന് സമയം വേണമെന്ന് കര്ണാടക സര്ക്കാര് സുപ്രീംകോടതിയെ അറിയിച്ചു. ഇതേത്തുടര്ന്ന് കേസ് ഏപ്രില് 13 ലേക്ക് മാറ്റിവെച്ചു.
വിചാരണാ നടപടികള് പൂര്ത്തിയാകുകയും ജാമ്യവ്യവസ്ഥകള് ലംഘിക്കാതിരിക്കുകയും ചെയ്തിട്ടുണ്ടെങ്കില് കേരളത്തിലേക്കു പോകാന് അനുവദിക്കണമെന്ന മഅദനിയുടെ ആവശ്യം അംഗീകരിക്കേണ്ടി വന്നേക്കുമെന്ന് വാദത്തിനിടെ കോടതി സൂചിപ്പിച്ചിരുന്നു. ആരോഗ്യപ്രശ്നങ്ങള് ചൂണ്ടിക്കാട്ടി ചികിത്സയ്ക്കായി കേരളത്തിലേക്ക് പോകാനും അവിടെ കഴിയാനും അനുവദിക്കണമെന്ന് ആവശ്യപ്പെട്ടാണ് മദനി സുപ്രീംകോടതിയെ സമീപിച്ചത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ