ഇന്ത്യക്കാരില്‍ കപില്‍ ദേവും, ചേതന്‍ ശര്‍മയും മാത്രം ഇടംപിടിച്ചിട്ടുള്ള ലിസ്റ്റിലേക്കായിരുന്നു ഓസ്‌ട്രേലിയയ്ക്ക് എതിരായ രണ്ടാം ഏകദിനത്തില്‍ കുല്‍ദീപ് യാദവ് കയറിക്കൂടിയത്. അന്താരാഷ്ട്ര ഏകദിന ക്രിക്കറ്റില്‍ ഇന്ത്യയ്ക്കായി ഹാട്രിക് നേടുന്ന മൂന്നാമത്തെ താരാമായപ്പോള്‍ കുല്‍ദീപിന് നന്ദി പറയാനുള്ളത് മഹേന്ദ്ര സിങ് ധോനിയോടാണ്.
ആദ്യ ഏകദിനത്തില്‍ മാക്‌സ് വെല്‍ മൂന്ന തവണ ബൗണ്ടറി ലൈിന് മുകളിലൂടെ പറത്തിയത് തന്നെ വേട്ടയാടിയിരുന്നു. അതൊരു പാഠമായിരുന്നു. എങ്ങിനെയാണ് ബൗള്‍ ചെയ്യേണ്ടത് എന്ന ചോദ്യവുമായി ധോനിക്ക് അടുത്തേക്കാണ് ഞാന്‍ പോയത്. നിനക്ക എന്താണോ വേണ്ടത് അത് ബൗള്‍ ചെയ്യാനായിരുന്നു ധോനിയുടെ മറുപടി.
ഈ ഹാട്രിക് തനിക്ക് പ്രിയപ്പെട്ടതാണ്. കളി നമ്മള്‍ക്ക് അനുകൂലമാക്കുന്നതില്‍ നിര്‍ണായകമായിരുന്നു ആ ഹാട്രിക്. അതിലേക്ക് നയിച്ചത് ധോനിയാണെന്നും കുല്‍ദീപ് പറയുന്നു. കുല്‍ദീപിന് മുന്‍പ് 1991ല്‍ കപില്‍ ദേലും, 1987ല്‍ ചേതന്‍ ശര്‍മയുമാണ് ഏകദിനത്തില്‍ ഹാട്രിക് സ്വന്തമാക്കിയിരുന്നത്.
ഇത് ആദ്യമായല്ല ഇന്ത്യയ്ക്ക് വേണ്ടി കുല്‍ദീപ് ഹാട്രിക് നേടുന്നത്. അണ്ടര്‍ 19 ലോക കപ്പിലും കുല്‍ദീപ് സ്‌കോട്ട്‌ലാന്‍ഡിനെതിരെ ഹാട്രിക് നേടിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ