ദുബായ്: ടെസ്റ്റ് റാങ്കിങ്ങില് ഓള്റൗണ്ടര്മാരില് രവീന്ദ്ര ജഡേജയ്ക്ക് നേട്ടം. ഒരു സ്ഥാനം മുകളിലേക്ക് കയറി രവീന്ദ്ര ജഡേജ മൂന്നാം റാങ്കിലെത്തി. ആര് അശ്വിന് രണ്ടാം സ്ഥാനത്ത് തുടരുന്നു.
ആഷസ് പരമ്പരയിലെ ഗബ്ബ ടെസ്റ്റിന്റെ മികവില് ലാബുഷെയ്ന് രണ്ടാം റാങ്കിലേക്ക് എത്തി. സ്റ്റീവ് സ്മിത്തിനെ മൂന്നാം സ്ഥാനത്തേക്ക് ഇറക്കിയാണ് ലാബുഷെയ്ന് രണ്ടാമത് എത്തിയത്. ഗബ്ബ ടെസ്റ്റിന്റെ ആദ്യ ഇന്നിങ്സില് ലാബുഷെയ്ന് 74 റണ്സ് എടുത്തിരുന്നു. ലാബുഷെയ്നിന്റെ കരിയര് ബെസ്റ്റ് റാങ്കിങ് ആണ് ഇത്.
ട്രാവിസ് ഹെഡ് ടോപ് 10ല്
മൂന്ന് റാങ്ക് മുകളിലേക്ക് കയറി ഡേവിഡ് വാര്ണര് ആറാമത് എത്തി. ഗബ്ബയിലെ സെഞ്ചുറി ബലത്തില് ട്രാവിസ് ഹെഡ് ടോപ് 10ല് ഇടം നേടി. 16 സ്ഥാനങ്ങള് മുകളിലേക്ക് കയറിയാണ് ട്രാവിസ് ഹെഡ് പത്താം റാങ്കിലെത്തിയത്.
ഇംഗ്ലണ്ടിന്റെ ഡേവിഡ് മലന് 18 സ്ഥാനങ്ങള് കയറി 77ാം റാങ്കിലെത്തി. ബൗളര്മാരില് ഇംഗ്ലണ്ടിന്റെ അലെ റോബിന്സന് നാല് സ്ഥാനം കയറി 31ാം റാങ്ക് തൊട്ടു. മാര്ക്ക് വുഡ് 50ാം റാങ്കിലെത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ