പാലക്കാട്: പാലക്കാട് നഗരത്തിലെ കടയില്‍ വന്‍ അഗ്നിബാധ.  മഞ്ഞക്കുളം മാര്‍ക്കറ്റ് റോഡിലെ ടയറുകടയ്ക്കാണ് തീപിടിച്ചത്. ബിസ്മി എന്ന ടയര്‍ കടയ്ക്കാണ് തീപിടുത്തമുണ്ടായത്. 

രാത്രി 11 മണിയോടെയാണ് തീപിടുത്തം ശ്രദ്ധയില്‍പ്പെടുന്നത്. 13 ഫയര്‍ ഫോഴ്‌സ് യൂണിറ്റുകള്‍ മൂന്നുമണിക്കൂറോളം നീണ്ട പരിശ്രമത്തിനൊടുവിലാണ് തീ നിയന്ത്രണ വിധേയമാക്കിയത്. തീപിടുത്തമുണ്ടാകാനുള്ള കാരണം വ്യക്തമല്ല. 

ജില്ലാ കലക്ടര്‍ അടക്കം സ്ഥലത്തെത്തിയിരുന്നു. കടയില്‍ രണ്ടു കോടിയോളം രൂപയുടെ ടയര്‍ ഉണ്ടായിരുന്നതായി കടയുടമ പറയുന്നു. രാവിലെ നടത്തുന്ന പരിശോധനയിലാണ് നഷ്ടം എത്രയെന്ന് വ്യക്തമാകുക.

ഈ വാര്‍ത്ത കൂടി വായിക്കൂ ക്ലിഫ് ഹൗസിലെ കാലിത്തൊഴുത്തിന് 42 ലക്ഷം; 'ഇതുപോലൊരു അസംബന്ധം ഭൂലോകത്തുണ്ടാകില്ല'

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ