നീതിക്കായി കാത്തിരുന്ന ആന്ധ്രയെ നിരാശപ്പെടുത്തി; ഞാനല്ല മോദിയാണ് അഹംഭാവി: ചന്ദ്രബാബു നായിഡു

ന്യൂഡല്‍ഹി: പ്രതിപക്ഷത്തിന്റെ അവിശ്വാസ പ്രമേയത്തിന് മറുപടി നല്‍കിക്കൊണ്ടുള്ള പ്രധാനമന്ത്രി നരേന്ദ്ര മോദിയുടെ പ്രസംഗം വേദനിപ്പിച്ചെന്ന് ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു. ആന്ധ്രാപ്രദേശ് നീതിക്ക് വേണ്ടി കാത്തിരുന്നെങ്കിലും വീണ്ടും നിരാശപ്പെടുത്തി. മോദി തന്നെ അഹംഭാവി എന്നാണ് വിളിച്ചത്. എന്നാല്‍ അദ്ദഹമാണ് അഹംഭാവത്തോടെ പെരുമാറുന്നതെന്നും നായിഡു പറഞ്ഞു. 

ആന്ധ്രയുടെ ഇപ്പോഴത്തെ അവസ്ഥയ്ക്ക് കാരണം കോണ്‍ഗ്രസ് ആണെന്നും ആന്ധ്രയെ വിഭജിച്ചത് രാഷ്ട്രീയ ലാഭത്തിന് വേണ്ടിയാണെന്നുമായിരുന്നു മോദിയുടെ പ്രസംഗം. ചന്ദ്രബാബു നായിഡു അഹംഭാവിയാണെന്നും മോദി പറഞ്ഞിരുന്നു.